Әбітаев Назымхан Әшімханұлы

Әбітаев Назымхан Әшімханұлының

өмірбаяны

Әбітаев Назымхан Әшімханұлы 1976 жылы Мойынқұм ауданы, Айдарлы ауылында дүниеге келген. Ұлты қазақ, білімі жоғары.

Айдарлы ауылындағы Кеңес орта мектебін 1993 жылы бітірген. Мектептен кейін 1993 жылы Алматы қаласындағы Қазақ Ұлттық Аграрлық университетіне түсіп, 1998 жылы аталған жоғарғы оқу орнын аяқтап, сол жылы  Тараз қаласындағы Мұхаммед Хайдар Дулати атындағы университетіне түскен. 2001 жылы  аталған жоғарғы оқу орнын  заңгер мамандығы бойынша тәмамдаған.

Еңбек жолын 1999 жылы Жамбыл облыстық кеден басқармасында бастап, 2015 жылға дейін кеден саласында түрлі қызметтерді атқарған.

2015 жылдан бастап Шу ауданында жеке кәсіппен айналысқан.

2016 жылдан бүгінгі күнге дейін «Агроинвест Бірлікүстем» жауапкершілігі шектеулі серіктестігінің директоры қызметін атқарып келеді.

Қазақстан Республикасы қаржы министрлігі кедендік бақылау комитетінің Құрмет грамотасымен марапатталған.

Отбасылы, 4 бала тәрбиелеуде.

Сайлауалды бағдарлама

Ел егемендігін жариялаған сәттен-ақ Қазақстанның әлеуметтік, экономикалық жағдайын  арттыру мақсатында әртүрлі бағдарламалар өмірге келді. Болашаққа бағдар жасаған баянды істерді бағындырарда ел болып бірігіп, еңбек ету – біз үшін үлкен мақсат.

Қазақстан Республикасының Тұңғыш Президенті Нұрсұлтан Әбішұлы Назарбаев халыққа жолдауында әлемде жаңа ақиқаттың орын алып келе жатқанын айтқан болатын. Ол дегеніміз – шағын және орта бизнестің  индустрализациясын белсенді түрде жалғастыра отырып, төмен шикізат бағасы жағдайында өмір сүруді үйренуіміз керек деген сөз. Әсіресе бүгінде әлемге жайылып отырған коронавирус пандемиясына байланысты бұл сөздің маңызы өте зор.

– Ұлт құндылығына көп көңіл бөлуді басты мақсат деп санаймын.  Соған байланысты, Қазақ елінің біртуар перзенті, ЮНЕСКО деңгейінде мойындаған біртуар ұлы тұлға, хакім Абай Құнанбайұлының 175-жылдық мерей тойы мемелекет көлемінде аталып өтілуде.

Яғни 2020 жыл Абай жылы болып танылды. Осыған байланысты, мемлекеттік деңгейде өтіп жатқан іс-шаралардан Шу ауданы да осындай сауап істерден құр қаламауы керек шығар.

Атаулы іс-шараға байланысты, Шу қаласындағы «Паровоз» монументінен бастап, оңтүстік-шығыс бағытында «Қант зауыты» ықшам ауданынан шыға беріске дейінгі, қазіргі Голиков көшесін ұлт мақтанышы, кемеңгер тұлғаның атына ауыстырсақ,яғни Абай көшесі деп ауыстырсақ ешкім қарсылық білдірмес деп ойлаймын.

– Өзімнің  сайлауалды  бағдарламамның бір мақсаты – аудан көлеміндегі елді мекендерде абаттандыру, көгалдандыру жұмыстарын қолға алу, яғни, «Жасыл ел» бағдарламасын қайта жандандыру, бірақ, декоративті, біздің жергілікті климатқа қолайлы өсетін ағаштармен саябақ жасау қажет.

– Саябақтар жанынан балалар ойнайтын алаң, көпшілік серуендейтін аллея салу.

– Газдандыру саласы, оның ішінде жеке тұрғын-үй секторы және кәсіпкерлік нысандары.

– Облысымызда орындалып жатқан пилоттық жобалар аясында, үй іргесіндегі мал шаруашылығын жандандыру мақсатында төменгі пайызбен беріліп жатқан несиелердің жалғасы ретінде, атаулы бағдарламаның орынды орындалу мақсатында ет, сүт, шұжық сынды мал өнімдерін өңдеуге арналған шағын комбинаттарын ашу  қажет деп есептеймін;

– Менің алдыма қойған  мақсатым-халықпен етене араласу. Халықтың мұң-мұқтажын ескере келе, сол өтініштер мен тілектердің барынша орындалуына ықпал жасау.

-Қоғамдағы ұлтаралық келісімді және тұрақтылықты нығайтуға, дінаралық  төзімділік идеясын таратуға жәрдемдесу;

ТЕЛЕФОН ҚАБЫЛДАУ

+7 (72638) 3-16-78

Баннеры