Тортаев Ілия Әлімұлының

№5 сайлау округі бойынша

Шу аудандық мәслихатының депутаты

Тортаев Ілия Әлімұлының

ӨМІРБАЯНЫ

 

Шу ауданы, Жаңа жол (бұрынғы Новый путь) ауылында 1958 жылы 20 тамызда дүниеге келген. Қазақстан Республикасының азаматы. Ұлты қазақ.

Еңбек жолын 1975 жылы Жаңа жол ауылындағы Б.Момышұлы атындағы орта мектепті бітіргеннен кейін «Новый путь» кеңшарында жұмысшы болудан бастаған. 1976-1978 жылдары Отан алдындағы азаматтық борышымды өтеген. 1978-1980 жылдары ПМК-49-да жұмысшы болып, 1980-1982 жылдары Фрунзе қаласындағы автожол техникумында оқып, «Техник-құрылысшы» мамандығы бойынша тәмамдаған.

1982-1998 жылдары «№85 ЖҚБ»-да жұмысшы, кейін шебер, прораб, бас прораб, бас инженер, басшы болған.

1995 жылы Алматы қаласындағы «Транспорт және коммуникация» академиясын сырттай бітіріп, «Инженер құрылысшы» мамандығын болдған.

1998-2011 жылдары «№85 -ЖҚБ» ЖШС-нің директоры, 2011 жылдың сәуір айынан бастап «РЗДИ-Құрылыс» ЖШС-нің директоры қызметтерін атқаруда.

2002-2006 жылдары Шу ауданы мәслихатына, 2007-2011 жылдары Жамбыл облысы мәслихатына, 2011-2015 жылдары Шу ауданы мәслихатына депутат болып сайланған.

Атқарып келе жатқан қызметіндегі жемісті еңбегі үшін «Қазақстан Республикасы Тәуелсіздігіне 10 жыл», «Қазақстан Республикасының Астанасына 10 жыл», «Қазақстан Республикасы мәслихатына 20 жыл» мерекелік медальдарымен, ҚР Президенті Н.Назарбаевтың Алғыс хатымен, «Қазақстан құрылысшылар» Ассоциациясының Грамотасымен марапатталып, «Қазақстанның құрметті құрылысшысы» төсбелгісіне ие болған.

«Нұр Отан» партиясының мүшесі.

Үйленген. Үш бала тәрбиелеп отыр.

 

САЙЛАУАЛДЫ БАҒДАРЛАМАСЫ

-Президентіміз Н.Ә.Назарбаевтың саясаты мен «Нұр Отан» партиясы бағдарламасын жүзеге асыруға белсенді қатысу.

-Мемлекеттің ауыл шаруашылығын дамытуға арналған «Жайлау», «Сыбаға», «Құлан», «Алтын асық» бағдарламаларын ауыл тұрғындарының пайдалануына ықпал жасау;

-Мемлекеттің «Жұмыспен қамту – 2020» бағдарламасын және Президентіміздің жолдауларын ауыл тұрғындарымен бірлесе отырып іске асыру, осы бағдарлама аясында ауыл жастарының жұмыспен қамтылуына ықпал жасау;

-Күш-жігерімді, іс-тәжірибемді, білімімді Шу ауданы халқының игілігіне барынша пайдалы қолдану;

-Жасөспірімдер мен жастар арасында саламатты өмір салтын уағыздап, қалыптастыру;

-Ауыл жолдарын салуды қарқынды жүргізуге, жұмыс сапасын жақсарта түсуге атсалысу;

-Ауылдарда «Ақбұлақ» бағдарламасының және ауыл тұрғындарын газбен қамтамасыз етудің орындалуын қадағалау;

-Аудан орталығы мен ауылдарда санитарлық-тазалықтың сақталуына экологиялық талаптардың орындалуына жан-жақты араласу;

-Елді мекендердегі мектептерді, балабақшаларды жөндеу, кеңейту құрылыс жұмыстарының сапасын қадағалау.

-Қоғамдағы ұлтаралық келісімді және тұрақтылықты нығайтуға, дінаралық төзімділік идеясын таратуға жәрдемдесу.

ТЕЛЕФОН ҚАБЫЛДАУ

+7 (72638) 3-16-78

Баннеры