Куккузов Руслан Суйеркулұлы

Куккузов Руслан Суйеркулұлының

өмірбаяны

         Куккузов Руслан Суйеркулұы 1972 жылы 2 сәуірде Шу қаласында дүниеге келген. Ұлты-қазақ. 1995 жылы Ауыл шаруашылығын механикаландыру бағыты бойынша К.И.Скрябин атындағы ауыл шаруашылығы институтын бітірген, 2017 жылы жылу энергетикасы және жылу техникасы бағыты бойынша И.Раззаков атындағы ҚМТУ-ды аяқтаған.

Еңбек жолын 1989 жылы Шу қаласы “Локомотив депосында” жұмысшыдан бастаған. Сол жылдың қараша-желтоқсан айларында 1-4 разрядты қабылдау цехында слесарь болып жұмыс істеген. 1995 жылдан 2000 жылға дейін “Шу нан өнімдерін өткеру базасы”ААҚ цехының слесары. 2000 жылдан 2005 жылға дейін Шу ауданындағы су құбыры желілері учаскесінің бастығы; сол жылдары ТҮКШ қазандықтарына қызмет көрсету шебері болып жұмыс істеген. 2005 жылдан 2013 жылға дейін “Теміржол – Жылу” ЖШС-де түрлі лауазымдарда болған. 2013 жылдан бастап қазіргі уақытқа дейін Шу ауданы әкімдігінің тұрғын үй – коммуналдық шаруашылық, жолаушылар көлігі және автомобиль жолдары бөлімінің шаруашылық жүргізу құқығындағы “Шу-Жылу” коммуналдық мемлекеттік кәсіпорнының директоры қызметін атқарып келеді.

«Қазақстан Республикасының еңбек сіңірген энергетигі» төс белгісімен,  Қазақстан Республикасы Президентінің Жарлығы бойынша «ҚР Тәуелсіздігіне 25 жыл» мерекелік медалімен, Қазақстан Республикасының энергетика министрлігінен Құрмет грамотасымен, Шу ауданы әкімінің Құрмет грамотасымен  марапатталған.

Үйленген, үш бала тәрбиелеуде.

Сайлауалды бағдарлама

– Елді мекендер аумағындағы тұрғын үйлер мен көшелерді көріктендіру, көгалдандыру, жолды ретке келтіру жұмысына мәслихат арқылы ықпал ету;

– облыс көлемінде, әсіресе сайлау аумағындағы ауыз су, жылу мәселесін шешуге мәслихат және басқа тиісті мекемелер арқылы ықпал ету;

–    облыс  инфрақұрылымын  дамытуға тікелей ықпал ету;

– облыс орталығы мен ауылдарда санитарлық-тазалықтың сақталуына экологиялық талаптардың орындалуына жан-жақты араласу;

–  Шу қаласын газ құбырын тарту жұмыстарына  ықпал ету;

Сайлаушылардың мүдделерін қорғай отырып, соған лайықты өкіл болуды және барлық іс-әрекеттерді халықтың пікіріне сүйене отырып, шешім қабылдауды депутаттық міндетім деп түсінемін.

ТЕЛЕФОН ҚАБЫЛДАУ

+7 (72638) 3-16-78

Баннеры