Мадалиев Сағадат Нұрмаханбетұлы

Шу аудандық мәслихатының депутаты

Мадалиев Сағадат Нұрмаханбетұлының өмірбаяны

 

        

Мадалиев Сағадат Нұрмаханбетұлы 1973 жылдың 02 сәуірінде Жамбыл облысы, Шу ауданы, Балуан Шолақ ауылында дүниеге келген.1990 жылы мектепті бітіргеннен кейін Балуан Шолақ колхозының мүшесі болып қабылданған.1991 жылы Қырғыстан Республикасы, Қарақол қаласындағы «Құқық, бизнес және басқару» институтына түсіп,1995 жылы бухгалтер-экономист мамандығы бойынша тәмамдаған.1997 жылдан бастап «Қалқа» шаруа қожалығының мүшесі, 2015 жылдан бастап бүгінгі күнге дейін «Қалқа» шаруа қожалығының жетекшісі.

Ауыл шаруашылығы саласындағы жемісті еңбегі үшін ҚР Тұңғыш Президенті Елбасы Н.Назарбаевтың Алғыс хатымен,Шу ауданы әкімінің және Шу аудандық мәслихатының Құрмет грамотасымен марапатталған. «Жомарт жүрек», «Мерейлі отбасы» номинацияларының иегері.

Отбасылы, үш қыз, бір ұл тәрбиелеуде.

 

Сайлауалды бағдарлама

Депутат – өз сайлаушыларының мұң-мұқтажын, талап-тілегін, ұсыныстарын өкілетті органдарға жеткізіп, оның орындалуын қадағалайтын халық қызметшісі, сайлаушылар өкілі. Сондықтан да мен күш-жігерімді, білімімді халықтың тұрмыс жағдайын жақсартуға жұмсаймын.

Ауылда туып-өскендіктен, ауыл өміріне, оның гүлденуіне мемлекет тарапынан қолдау жасалатын қағидаларды қалыс қалдырмаймын. Ауылдың әлеуметтік жағдайын жақсарта беруге бағытталған мәселелерді де басты бақылауда ұстаймын. Ауыл еңбеккерлерін қолдау, оларға қажетінше көмек көрсету мен үшін күн тәртібінен түспейтін мәселе болады.

– «Нұр Отан» партиясының 2030 жылға дейінгі бағдарламасын халық арасында кеңінен насихаттау және орындау барысында жұмыс жасап қажырлы еңбек ету.

-мемлекеттің  ауыл шаруашылығын дамытуға арналған  «Сыбаға», «Құлан», «Алтын асық» бағдарламаларын ауыл тұрғындарының  пайдалануына  ықпал  жасау;

-ауылдықтардың техникалар мен жабдықтарды несие мен лизингке сатып алу тетіктерін, ауылдарда орта және шағын бизнес өндіріс нысандарына арналған несие алуларына жағдай жасап, ауыл әкімдіктеріне ауылда мал шаруашылығын дамыту үшін ет-сүт өнімдеріне субсидиялар беру құқығының берілуін қолға алу;

-жасөспірімдер мен жастар арасында салауатты өмір салтын насихаттап, қалыптастыру, «арақ пен есірткіге жол жоқ» акциясын ұйымдастыру, патриоттық сезімін ояту іс-шараларын ұйымдастыру;

-ауыл жолдарын салуды қарқынды жүргізуге, жұмыс сапасын жақсарта түсуге ат салысу, тротуарлар салуға, жарықтандыру жүргізуді ықпал жасау;

-ауылдық жерлерде интернет желісін орнату,оның жылдамдығын арттыру, Балуан Шолақ, Дулат ауылдық округтеріне газ құрлысын жүргізуге ықпал жасау,осы аталған екі ауылдық округте Пуид-2 бағдарламасын және ағын су мәселелерін реттеу;

-елді мекендердегі мектептерді, балабақшаларды жөндеу, кеңейту құрылыс жұмыстарының сапасын қадағалау, ауыл жастарын спортқа ынтасын ояту мақсатында спорт кешендерін салуға ықпал жасау;

-ауылдың инфрақұрылымын дамыту, ауылдарды көріктендіру,ауылдағы қоршалмаған ескі қорымдарды қоршау, абаттандыру мәселелерін шешуге көмектесу және тікелей атсалысу;

-экология, ветеринария, білім, мәдениет, денсаулық сақтау салаларына көп көніл бөлу;

-ауыл ақсақалдарымен ақылдаса отырып өзекті мәселелерді шешуге ықпал жасау.

ТЕЛЕФОН ҚАБЫЛДАУ

+7 (72638) 3-16-78

Баннеры