Сұлтанова Махаббат Төлегенқызы

Шу аудандық мәслихатының депутаты

Сұлтанова Махаббат Төлегенқызының өмірбаяны

 

Сұлтанова Махаббат Төлегенқызы 1977 жылдың 18 ақпанында Жамбыл облысы, Жуалы ауданы, Ақтасты ауылында  дүниеге келген. Білімі жоғары. 2008жылы Жамбыл гуманитарлық-техникалық университетін  «Бастауыш сынып  мұғалімі» мамандығы бойынша тәмамдаған.

Еңбек жолын 1998 жылы Тараз қаласындағы №30 бала бақшасының тәрбиеші қызметінен  бастаған.

2005-2007 жылдары Тараз қаласы №48 орта мектебінде мектепалды даярлық сыныбында мұғалім,2007-2010жылдары Тараз қаласы №48 орта мектебінде  бастауыш сынып мұғалімі, директордың оқу ісі жөніндегі орынбасары, 2010-2015 жылдары Тараз қаласындағы №38 орта мектебі директорының оқу ісі жөніндегі орынбасары, 2015-2016 жылдары Шу қаласындағы «Жібек жолы» мектеп-лицейінде директордың тәрбие ісі жөніндегі орынбасары.

2016 жылдың 17 ақпанынан  бастап Қонаев ауылы Төле би атындағы шағын орталықты орта мектебінің директоры қызметін атқарып келеді.

Өскелең ұрпаққа білім мен тәрбие беруді дамытуға қосқан үлесі  үшін Жамбыл облысы әкімінің, Тараз қалалық, Шу аудандық білім бөлімдерінің Құрмет грамоталарымен, Алғыс хаттарымен, «Нұр Отан» партиясының Құрмет грамоталарымен марапатталған.

Жанұялы, екі ұл тәрбиелеуде.

 

Сайлауалды бағдарлама

Менің бағдарламамда өскелең ұрпақты тәрбиелеу, табысты, заманауи және бәсекеге қабілетті азаматтады тәрбиелеу бойынша негізгі басымдықтар қамтылған.

Мен мынадай мақсаттар мен міндеттерді шешуге белсенді қатысуға ниеттемін:

– «Нұр Отан» партиясының 2030 жылға дейінгі бағдарламасын халық арасында кеңінен насихаттау және орындау барысында жұмыс жасап қажырлы еңбек ету.

– «Нұр отан» партиясы бастамшылық жасаған барлық стратегиялық бағдарламалардың іске асырылуына барынша белсене қатысу.

– Қазақстан Республикасы Үкіметі белгілеген мақсат – міндеттерді жүзеге асыруға бағытталған іс-шаралардың орындалуына байланысты жұмыстар атқару;

–   Қонаев ауылдық округіне мәдениет үйін соғуға ықпал жасау;

– Қонаев ауылдық округін сапалы жолмен қамтамассыз етіп, түнгі жарықтандыру жұмыстарын жүргізуге ықпал жасау;

–  Мектепте білім сапасын көтеру үшін  материалдық-техникалық базаларын жаңартып, жабдықтауға үлес қосу;

– Мектепке дейінгі тәрбиелеу мен оқытуды қамтамасыз ету. Мектепке дейінгі мекемелер мен мектептерге қолдау көрсетіп отыру;

– Ауылдың инфрақұрылымын дамыту, ауылдарды көріктендіру, абаттандыру мәселелерін / жарықтандыру, көгалдандыру, көлік-жолдарын жөндеу/ шешуге көмектесу және тікелей атсалысу;

-Экология-адамның өміріне, денсаулығына, қоршаған ортаға зиян келтіретін қатерінің туындауы туралы нақты фактілер болса назардан тыс қалдырмау:

– Мемлекеттік тілдің қолданылуына және басқа тілдерді оқытуға ықпал ету;

– Қазақстан халықтарының ұлттық салт-дәстүрінің өркендеуіне үлес қосу;

– Қоғамдағы ұлтаралық келісім және тұрақтылықтың сақталуына атсалысу;

– Жастар саясатына қолдау көрсету. Жастар мен жасөспірімдер арасында салауатты өмір салтын қалыптастыру. Ауыл спортының дамуына, өркендеуіне назар аударып отыру;

– Соғыс және еңбек ардагерлерін, зейнеткерлерді, мүгедек жандарды, көпбалалы, жағдайы төмен отбасыларды қолдау, әлеуметтік бағдарламаларды іске асыруға, жәрдем беруге көмектесу.

ТЕЛЕФОН ҚАБЫЛДАУ

+7 (72638) 3-16-78

Баннеры