Дұрманов Тұрар Мұханбетханұлы

Шу аудандық мәслихатының депутаты

 Дұрманов Тұрар Мұханбетханұлының өмірбаяны

Дұрманов Тұрар Мұханбетханұлы 1986 жылы 27-ші  ақпанда Қызылорда облысы, Қармақшы ауданында  дүниеге келген.

1993 жылы осы аталған ауданның  № 154 орта мектебіне 1–ші сыныпқа барған. Отбасылық жағдайға байланысты 1994 жылы Жамбыл облысы, Шу ауданы, Төле би ауылына көшіп келген.

2004 жылы Әл–Фараби атындағы Қазақ Ұлттық университетінің физика факультетіне оқуға түсіп, 2008 жылы аталған оқу орнын физика мамандығы бойынша аяқтаған.

2009 жылы Мұхтар Әуезов атындағы орта мектебіне физика, математика пәнінің мұғалімі болып жұмысқа орналасқан.

2010 жылдан 2021 жылға дейін осы аталған мектепте директордың оқу ісі жөніндегі орынбасары қызметін атқарған.

2021 жылдың 11 мамырынан осы аталған мектепте, мектеп директоры қызметіне тағайындалған.

Өскелең ұрпаққа білім мен тәрбие беруді дамытуға қосқан үлесі  үшін Шу ауданы әкімінің «Құрмет грамотасымен» марапатталған.

Үйленген. 2 бала, 2 қыз тәрбиелеуде.

САЙЛАУАЛДЫ БАҒДАРЛАМАСЫ

Шу аудандық маслихатының депутаты ретінде мен өзімнің барлық күш-жігерімді келесі мәселелерді шешуге арнаймын:

-«Nur Otan» партиясы Жамбыл облысы Шу аудандық филиалының 2021-2025 жылдарға арналған сайлауалды бағдарламасының орындалуын іске асыруға;

-ауылдық округтердің ең өзекті мәселелерін белгілеу мен шешу барысында ауыл тұрғындармен тығыз қарым-қатынас орнатуға;

-ауылдық округтердің санитарлық тазалығын, жол мәселелерін шешу, ескірген электр желілерін жөндеуден өткізуге, көше жарығымен қамтылуын кеңейту бойынша жұмыстарды жалғастыруға;

-ауыл тұрындарын табиғи газбен және сапалы ауыз сумен тәулік бойы қамтамасыз етілуіне;

-каналдар мен ауыл ішіндегі тоғандарды қалпына келтіріп, үй іргесіндегі жерлерге суармалы су жеткізуге;

-мектептер мен ауылдық медициналық пунктеріне жөндеу жұмыстарының жүргізілуіне;

– ауылдарда балалар ойнайтын ойын алаңдарының салынуына;

-мал шаруашылығын одан әрі дамыту, дамыған ірі шаруашылықтардың бизнестің басқа түрлерін ашуға ықпал жасауға, сол арқылы жаңа жұмыс көздерін ашуға;

-Ақсу ауылдық округінде жаңадан мәдениет үйінің салуына ықпал жасау;

-жастар мен ересек халықтың мәдени сауығуын ұйымдастыру, бұқаралық спорт пен салауатты өмір салтын дамыту, әлеуметтік әлсіз топтар және көпбалалы отбасыларға қолдау көрсету, көмек күшін жұмылдыруға;

-жалпы алғанда азаматтардың әл-ауқатын, ауылымыздың экономикалық жағдайын жақсаруына бағытталған, халық игілігі үшін жұмыстар атқаруға.

ТЕЛЕФОН ҚАБЫЛДАУ

+7 (72638) 3-16-78

Баннеры