Бастаубаева Сұлутай Әбдуәліқызының

№2 сайлау округі бойынша

Шу аудандық мәслихатының депутаты

Бастаубаева Сұлутай Әбдуәліқызының

ӨМІРБАЯНЫ

 Шу ауданы, Ленин селосында (қазіргі Қонаев ауылы) 1960 жылдың 7 қаңтарында үлкен отбасында дүниеге келген. 1977 жылы Ленин атындағы орта мектепті қазақ тілінде тәмамдаған, Жамбыл педагогикалық институтын «Орыс тілі, орыс әдебиеті пәнінің мұғалімі» мамандығы бойынша сырттай аяқтады.

1978-1982 жылдары Ленин атындағы орта мектепте аға тәлімгер, 1982-1983 жылдары «Ленин» кеңшарының комсомол комитетінің хатшысы, 1983-1997 жылдары аудандық пионерлер үйінің үйірме жетекшісі, әдіскері, 1999-2011 жылдары аудан әкімдігі білім бөлімінің әдіскері, маманы, бас маманы, 2011-2015 жылдары аудан әкімдігінің жұмыспен қамту және әлеуметтік бағдарламалар бөлімі «Жұмыспен қамту орталығының» басшысы, 2015 жылдың қараша айынан бастап, «Нұр Отан» партиясы Шу аудандық филиалы төрағасының бірінші орынбасары қызметін атқарып келеді.

Еңбек жолында аудандық, облыстық пионерлер үйінің Мақтау қағаздарымен, аудандық, облыстық білім бөлімдерінің, республикалық «Қызыл жарты Ай» қоғамының Құрмет грамоталарымен марапатталып, 2005 жылы облыс көлемінде өткен әдіскерлер байқауына қатысып, жүлделі ІІІ орынды иеленген. Шу ауданының 80, Шу қаласының 50 жылдық төсбелгісінің, 2014 жылы аудан әкімінің, 2015 жылы аудандық мәслихаттың Құрмет грамоталарының және аудандық «Шу өңірі» газеті редакциясының Алғыс хатының иегері.

Жанұялы. Бір қыз, екі ұлы бар, немере тәрбиелеуде.

САЙЛАУАЛДЫ БАҒДАРЛАМАСЫ

Мен Елбасының бүгінгі таңда белең алып отырған дағдарысты еңсеру бағдарламасын іске асыру барысына лайықты үлес қосуға, еліміздің стратегиялық мақсаттарға жету жолында аянбай еңбек етуге дайын екендігімді айтқым келеді.

Шу аудандық мәслихатының депутаты болып сайланған жағдайда, мен білімім мен күш-қайратымды келесі мәселелерді шешуге жұмсаймын:

– «Нұр Отан» партиясының бағдарламалары мен шешімдерін іске асыруға атсалысу. Өз сайлаушыларымның мұң-мұқтажын, талап-тілегін, ұсыныстарын өкілетті органдарға жеткізіп, орындалуын қадағалау;

– ұлтаралық достық және осы бағытқа қолдау көрсету, мемлекеттік тілдің дамуына ықпал ету. Әр этностың мәдениетін, салтын және дәстүрін сақтау мәселесіне аса жауапкершілікпен қарау;

– әлеуметтік, әділдік қағидасын жақтаушы ретінде біздің қоғамның барлық топтары нық қорғалған болуы тиіс. Сондықтан да, «Нұр Отан» партиясының «Ардагерлерді ардақтайық», «Бақытты отбасы», «Бақытты балалық» жобаларына сәйкес әлеуметтік аз қорғалған сатыдағы азаматтардың мүддесін қорғау және оларға қолдау көрсету;

– партияның «Сәтті қадам», «Стоп қылмыс» жобалары аясында жастардың жұмыссыздық деңгейін төмендетуге, саламатты өмір сүруіне ықпал жасау, өсіп келе жатқан ұрпаққа тәрбие беріп, ата-бабалардан қалған құндылықтарды сақтап, жалғастыра беруді қалыптастыру, мектеп, отбасы және қоғамдық бірлестіктердің күшін жасөспірімдер арасындағы қылмысқа, маскүнемдік және нашақорлыққа қарсы жұмсауға үлес қосу;

– «Балапан» бағдарламасын жүзеге асыру мақсатында мектеп жасына дейінгі балалардың балабақша және шағын орталықтарда тәрбиемен қамтылуына атсалысу;

– мектеп оқушыларын тәрбиелеуде ата-анамен бірлескен жұмысты нығайтуға, отбасылық құндылықтарды құрметтеуге және бала құқығының қорғалуына құлшына араласу;

– білім саласында әйел-педагогтардың үлес салмағы көп болғандықтан, ана мен бала мәселелеріне қатысты шешімдер қабылдауға қатысу;

– білім мекемелерінің материалдық-қаржылық мәселелерінің оң шешім табуына қолдау білдіру;

– елді мекендерді абаттандыру және көгеріштендіру жұмыстарына тікелей атсалысу;

– өңір үшін автомобиль жолдарының мәселесі әрқашан өзекті болып келген. Сондықтан да, автомобиль жолдарын жөндеу жұмысына қаржы бөлінуін талап ету. Тұрғындарды таза ауыз сумен қамтамасыз етуге өз септігімді тигізу;

– қоғамның саяси өміріне белсене қатысып, жергілікті органдардың жеке адамның күнделікті мұқтаждықтарын шешуге етене араласуына және көмек көрсетуіне ықпал ету, партияның қоғамдық қабылдау бөлмесіне жүгінген азаматтардың мәселелерін шешуге атсалысу;

– бюджетті қарастыру барысында әлеуметтік бағыттағы бюджетті бекітуге іс-шаралар қолдану;

– ауылдықтардың техникалар мен жабдықтарды несие мен лизингке сатып алу тетіктерін, ауылдарда орта және шағын бизнес өндіріс нысандарына арналған несие алуларына жағдай жасап, ауыл әкімдіктеріне ауылда мал шаруашылығын дамыту үшін ет-сүт өнімдеріне субсидиялар беру құқығының берілуін қолға алу.

ТЕЛЕФОН ҚАБЫЛДАУ

+7 (72638) 3-16-78

Баннеры