Әбенов Жасұлан Әлкенұлының

№6 сайлау округі бойынша

Шу аудандық мәслихатының депутаты

Әбенов Жасұлан Әлкенұлының

ӨМІРБАЯНЫ

 

Шу ауданы, Төле би ауылында (Новотройцк селосы) 1970 жылы 9 шілдеде дүниеге келген. Қазақстан Республикасының азаматы. Ұлты қазақ. Білімі жоғары. М.Х.Дулати атындағы Тараз мемлекеттік университеті филология факультетін «Қазақ тілі мен әдебиеті пәнінің мұғалімі» мамандығы бойынша тәмәмдаған.

1988 жылы Шу қаласындағы №7 кәсіптік-техникалық училищесін «Тепловоз машинисінің көмекшісі» мамандығы бойынша аяқтаған.

1988-1990 жылдары Кеңес әскері қатарында әскери борышымды өтеді.

Еңбек жолын 1991 жылы Шу қаласындағы локомотив депосында темір ұстасы жұмысынан бастаған. 1991-1997 жылдары Мұхтар Әуезов атындағы орта мектептің бастауыш сынып мұғалімі, 1997-1998 жылдары Мұхтар Әуезов атындағы орта мектеп директорының бастауыш сыныптар бойынша оқу-тәрбие ісі жөніндегі орынбасары, 1998-2000 жылдары Мұхтар Әуезов атындағы орта мектеп директорының тәрбие ісі жөніндегі орынбасары, 2000-2011 жылдары Мұхтар Әуезов атындағы орта мектеп директорының оқу-тәрбие жөніндегі орынбасары, 2011-2013 жылдары Қонаев ауылы, Төле би атындағы орта мектептің директоры.

2013 жылдың сәуір айынан қазіргі уақытқа дейін Мұхтар Әуезов атындағы орта мектептің директоры қызметін атқарып келеді. Қазақ мәдени орталығының төрағасы.

Өскелең ұрпаққа білім мен тәрбие беруді дамытуға қосқан үлесі үшін Жамбыл облысы әкімінің, Шу ауданы әкімінің, аудандық білім бөлімінің бірнеше Құрмет грамоталарымен, Алғыс хаттарымен марапатталған.

Жанұялы, бір ұл, бір қыз тәрбиелеуде.

 

САЙЛАУАЛДЫ БАҒДАРЛАМАСЫ

 

– Елбасы Н.Ә.Назарбаевтың Қазақстан халқына Жолдауында, «100 нақты қадам» – Ұлт жоспарында көрсетілген тапсырмаларды, «Мәңгілік Ел» ұлттық идеясын халық арасында кеңінен насихаттау және орындау барысында жұмыс жасау, қажырлы еңбек ету.

– Қазақстан Республикасы Үкіметі белгілеген мақсат – міндеттерді жүзеге асыруға бағытталған іс-шаралардың орындалуына байланысты жұмыстар атқару;

– «Нұр Отан» партиясының «Қазақстан–2021», «Бірлік» «Тұрақтылық», «Жасампаздық» атты сайлауалды бағдарламасында қойылған нақты міндеттердің орындалуын жүзеге асыру;

– 12 жылдық білім беруге толық дайындықпен көшу үшін мектептердің материалдық-техникалық базаларын жаңартып, жабдықтауға үлес қосу;

– Мектепке дейінгі тәрбиелеу мен оқытуды қамтамасыз ету. Мектепке дейінгі мекемелер мен мектептерге қолдау көрсетіп отыру;

– Ауылдың инфрақұрылымын дамыту, ауылдарды көріктендіру, абаттандыру мәселелерін шешуге көмектесу және тікелей атсалысу;

– Мемлекеттік тілдің қолданылуына және басқа тілдерді оқытуға ықпал ету;

– Қазақстан халықтарының ұлттық салт-дәстүрінің өркендеуіне үлес қосу;

– Қоғамдағы ұлтаралық келісім және тұрақтылықтың сақталуына атсалысу;

– Жастар саясатына қолдау көрсету. Жастар мен жасөспірімдер арасында саламатты өмір салтын қалыптастыру. Ауыл спортының дамуына, өркендеуіне назар аударып отыру;

– Соғыс және еңбек ардагерлерін, зейнеткерлерді, мүгедек жандарды, көпбалалы, жағдайы төмен отбасыларды қолдау, әлеуметтік бағдарламаларды іске асыруға, жәрдем беруге көмектесу.

ТЕЛЕФОН ҚАБЫЛДАУ

+7 (72638) 3-16-78

Баннеры